Cynllun Grantiau Bach gan gynnwys Prosiectau Cydraddoldeb, Amrywiaeth a Chynhwysiant
2025-2026
Rydym yn lansio rownd yr hydref o’r cynllun grantiau bach, ond gyda chyllid ychwanegol gan Lywodraeth Cymru drwy’r Adran Ddiwylliant, a chyda chefnogaeth gan Ffederasiwn Amgueddfeydd ac Orielau Celf Cymru. Mae’r cyllid ychwanegol wedi’i dargedu’n benodol at brosiectau Cydraddoldeb, Amrywiaeth a Chynhwysiant. Gall gwasanaethau wneud cais am fwy nag un prosiect. Mae’r cyllid grant bach wedi’i dargedu at yr ystod arferol o fathau o brosiectau, ond gall prosiectau orgyffwrdd â’r ddwy agwedd ar y cynllun.
Bydd gweithgareddau cymwys yn ymwneud â’r meysydd isod ac yn ogystal byddwn yn derbyn mwy nag un cais fesul gwasanaeth:
• Ymgymryd â gweithgareddau a phrosiectau sy’n cyd-fynd yn benodol â gwaith cydraddoldeb, amrywiaeth a chynhwysiant gyda blaenoriaeth yn cael ei rhoi i weithgareddau sy’n gweithio gyda ac ar gyfer cymunedau LGBTO+ ac anabledd.
• gwella llywodraethu amgueddfeydd, gan gynnwys cynllunio busnes a datblygu’r gweithlu, e.e. Adolygiadau cyfansoddiadol (gan gynnwys costau ar gyfer gwasanaethau proffesiynol)
• codi safonau gofal a rheoli casgliadau
• cyflawni blaenoriaethau Llywodraeth Cymru
Dyfernir grantiau fel a ganlyn:
Y grant uchaf yw £10,000
Gellir partneru grantiau ffederasiwn â chronfeydd mewnol a ffynonellau partneriaeth eraill.
Nid oes cyfraniad partneriaeth lleiaf o 10% bellach
Telerau ac amodau cynllun grantiau bach
Ffurflen Gais y Cynllun Grantiau Bach
Cynllun Grant Caffael
Mae’r Ffederasiwn yn falch iawn o gyhoeddi grant newydd ar gyfer 2025/2026.
Mae’r grant hwn i gefnogi Amgueddfeydd Achrededig lleol ac annibynnol (gan gynnwys Gweithio Tuag At) yng Nghymru i ddatblygu eu casgliadau craidd trwy brynu eitemau gan gynnwys ond heb fod yn gyfyngedig i eitemau sy’n dod ar gael o dan y Cynllun Henebion Cludadwy.
Mae’r cyllid hwn wedi’i ddarparu gan Lywodraeth Cymru ac wedi’i weinyddu gan Ffederasiwn Amgueddfeydd Cymru i gefnogi sefydliadau i gyflawni’r Blaenoriaethau ar gyfer Diwylliant. Y grant mwyaf sydd ar gael yw £10,000.00. Nid oes isafswm. Nid oes angen cyllid cyfatebol.
Mae hon yn rhaglen grantiau dreigl gyda chyllid ar gael ar sail y cyntaf i’r felin.
Ffurflen Gais y Cynllun Grant Caffael
Datblygiad Proffesiynol a Chynadleddau.
Mae cyllid gan Lywodraeth Cymru yn galluogi’r Ffederasiwn i ddarparu dwy rownd grantiau bach y flwyddyn. Uchafswm y grant yw £10,000 (gwanwyn) a £3,000 (hydref).
Mae tri aelod o bwyllgor annibynnol y Ffederasiwn yn asesu’r ceisiadau (gan roi’r flaenoriaeth i gefnogi prosiectau llai) yn erbyn ystod o feini prawf o flaenoriaethau Llywodraeth Cymru, safonau Achredu a Blaengynllun yr amgueddfa. Rydym hefyd yn lansio ein cynllun grant Datblygiad Proffesiynol a Chynhadledd.
I wneud cais am grant, rhaid i ymgeiswyr fod yn aelod o’r Ffederasiwn a bod yn amgueddfa achrededig (neu’n gweithio tuag at achrediad).
Mae’r cynllun hwn wedi’i wneud yn bosibl gyda chyllid gan Lywodraeth Cymru drwy’r Is-adran Ddiwylliant, a chyda chymorth Ffederasiwn Amgueddfeydd ac Orielau Celf Cymru.
Datblygiad Proffesiynol ac Chynadleddau y telerau a’r amodau